BOŻE CIAŁO

5 KOMENTARZE

  1. Witom

    „Stodouy Ponboczkowe” abo „Boze Sdodouy” godauo sie downiyj u nos na te outarze kere pokozou Pan Marian na filmie. Robiouy je na zmiana , z roku na rok, familie ze domow kere stouy wele cesty(drogi) kole keryj one bouy stowiane. Prziozdobiauo sie niy ino kwiotkami i modymi brzozkoma, ale i tatarcuchym (tatarakym), trasa procesji. O inkszych ziouach tysz niy idzie skuli tych obyczajow zapomniec’, a szczegolnie o robiyniu z nich wionkow i woniaczek i s’wiyncyniu ich – to je zwyczaj kery i w inkszych okolicach Europy sie pielyngnuje i do dzisiej, a nawionzuje on w jakis’ sposob do tych obyczajow kere spominou we filmie i Pan Marian. Sam odniego przejaw ze Francji na szlaku s’wiyntego Jakuba, kery kludzi do hiszpan’skyj Galicji.

    http://schlesien.nwgw.de/foto/displayimage.php?album=1150&pos=290

    Te zwyczaje zwionzane ze Bozym Ciauym i procesjom, kwiotkami, wionkami itd, usw znom ale osobis’cie i ze terynu zachodnich i poudniowych Niymiec.
    We filmie widac’ tysz inkszy piykny zwyczaj. Prosza dac’ obacht na okna. Niy ino te sroge outarze „Boze stodouy” robiyli ludzie na cescie procesji. We oknach som tysz dzisiontki mauych outarzow. Osobis’cie pamiyntom to tak. Moja ouma miaua we izbie couki rok stoc’ taki outorz, ze Maryjkom, krojcym, kwiotkoma, s’wiyntym obrozkym, a wszysko na biouyj tiszdece stouo na wertiko. Jak prziszou czas tego s’wiynta i procesji, to to sie wystowiauo do okna. Praje kozdo familia tak robiouy, ino oczywis’cie niy ” ‚ wan’gieliki” i inksze wiary. Wiynksze chopcy przedtym szli kole „kanaru” abo na „cygelnia” po tatarcuch, a chopy po brzozki pod las abo kaj tam ino. Sroge dzioucha ze myn’szymi zbiyrauy kwiotki i zdobiouy nimi, inkszym „zielonym” i fajnym pioskym cesta po keryj szua procesja. Komunijne dziouszki zbirauy kwiotki i szkubauy je do koszyczkow, coby miauy je jak bydom szuy na przodku procesji i bydom nimi potym suc’ pod nogi przed resztom procesji. Tak jo to pamiyntom jeszcze ze poczontku 70ych lot ze Laband. Tyn podziau na chopow i kobiyty to boua downiyj normalno rzecz i we kos’ciele na mszy przeca – czyns’ciowo je praktykowany i dzisiej. We samy procesji niysie sie tysz figury i obrozy s’wiynte, fany i tzw „baldachim”. Reszta struktury procesji to organizacje kos’cielne i zwionzki, no i to o czym juz spominou Pan Marian. Niywia teroski, elich jeszcze cosik zapomniou, bezto i mozno ktosik to bydzie leoiyj pamiyntou i sam cosik doszkryfnie kedys’ …
    Co do geszichty tego s’wiynta to jeszcze dopowia, ize przipado one na 11 dziyn’ po niydzieli „Zielonych S’wiont” i trwo couko „oktawa” czyli couki tydziyn’. Procesje to niy ino tyn jedyn dziyn’, ale osiym dni potym. Jeszcze dalyj zwyczaj tyn powionzany jest tysz ze tzw „pogan’skimi” zwyczajami, na kere sie godo i dzisiej „zabobony” – zabezpieczanie przez kulty magiczne szczyns’cia, dobrobytu, pomys’lnos’ci, zdrowia, itd.
    Sam przi okazji pora fotkow „baldahimu” i monstrancji ze Laband (Zakanau, czyli Stare Laband/Stare Łabędy) :

    http://schlesien.nwgw.de/foto/displayimage.php?album=830&pos=91

    http://schlesien.nwgw.de/foto/displayimage.php?album=830&pos=96

    http://schlesien.nwgw.de/foto/displayimage.php?album=830&pos=97

    http://schlesien.nwgw.de/foto/displayimage.php?album=830&pos=99

    http://schlesien.nwgw.de/foto/displayimage.php?album=830&pos=101

    http://schlesien.nwgw.de/foto/displayimage.php?album=830&pos=102

    ps

    Panie Marianie, tyn plakat o kerym Pan opowiadou, to je w kozdym razie na pewno reklama gazety – idzie nawet wyczytac na nim jakyj. Bouo trocha tych gazet z tym wyrazym we tytule, ale wedug mie tu chodzi o „Deutsche Illustrirte” konkretnie w sprawie tego plakatu. Podejzywom ize ze wzglyndu, co ta gazeta mo we tytule wyraz „Illustrirte” (downo pisownia!), znaczy to po polsku „Ilustrowany”/”Ilustrowana”, to moge to byc’ nawionzanie do jyj miana (nazwy) jak idzie o robiynie fotografii. Niywia, mozno mo Pan recht z tym szpiegostwym /tym bardziyj ze teryn bou przigraniczny wtedy/ – ino ze niy znoduech osobis’cie ze rocznikow 1934,5,6,7,8 zodnego numeru tyj gazety ze takim obrozkym, a sznupouech dos’ dugo. Jest jeszcze jedna mozliwos’c’ = na plakacie gazeta wykorzystaua grafika niy umieszczano we zodnym jyj numerze. Zauonczom inkszy plakat, kery w jakis’ sposob tysz przedstawio to o co mi chodzi, wydany pod patronatym podobnyj gazety:

    http://www.vansabbenauctions.nl/poster/36/969/Ludwig-Hohlwein/Berliner-Illustrirte-Zeitung.jpg

    • Ja tam widzę normalnego szpiega – ma fotoaparat, kapelusz maskujący i postawiony wysoko kołnierz płaszcza. Mówię Wam – szpieg gliwicki.
      Ale są przecież jeszcze inne ciekawostki – ubiór przede wszystkim pań i panów, dzieci i ich babć Że nie wspomnę o policmajstrze z pikelhaubą na głowie, strasznych zakonnicach, równie strasznym księdzu-dyrygencie i cywilnej obsłudze procesji w oryginalnym uniformie. A stary tramwaj? A niebieskawe z różową szarfą dziewice to co?
      =M======================

      • No dziewice sie liczom szczegolnie – to fakt.

        Co do zakonnic to noszynie takich nakryc’ hustkowwopodobnych na gowach robi sie juzas’ modne we Europie.

        Co do szpiega to sie niy byda „kucic'”, – ale to musiou byc’ w takim razie polski szpieg;)

        Chopy som obleczone we ancugi – niykere jak dzisiej a niykere jak w latach 60ych. W kozdym razie widac’ po kantach od galotow kery z nich je zyniaty a kery niy.

        Wele(fryzury) te chopy majom tak jak modziki juzas’ i dzisiej zaczynajom nosic’ juzas’ (no mozno niy wszyske).

        Pozdrowiom i czekom niycierpliwie na nowe ciekawe filmy.

  2. Ha, Panie Marianie bomba. A i tym razem Pan taki elegancki, super. Ciekawie Pan opowiada. A ten kościół dawno postawiony a jeszcze przed nim nie zrobiony parking i w takim bałaganie…

ZOSTAW ODPOWIEDŹ

Proszę zatwierdź swój komentarz!
Podaj swoje imię i nazwisko