Zabytkowa Stacja Wodociągowa "Zawada" w Karchowicach

2 KOMENTARZE

  1. Witom wszyskich detektywom i miuos’nikow glywickyj geszichty.

    Juz przi okazji inkszego tematu „Detektywa historii” szkryfuech trocha o tym temacie, ale mozno jeszcze troszka uzupeuniyn’. Jak wiadomo Glywice we roku 1894 zrobiouy/podpisauy umowa na woda ze z’rodua/studni guymbinowyj we Zawadzie na 2550 kubikowych metrow dziynnie. We roku 1900 jeszcze Glywice postanowiouy kupic ujyncia wodne, kere bouy od tego 600 metrow oddalone. Cyna wynosioua 50 000 Marek. Miasto pouonczouo te dwa wyiercone ujyncia zrodlane ze tym we Karchowicach. Potym doszuo do tego systymu zasilania wody dlo Glywic jeszcze i tzw zroduo „Neptun”. W Karchowicach miasto miauo stacja pomp. W latach 1906-1907 ilos’ci wody z tego systymu ale spaduy, a ze we Glywicach w miyndzyczsasie rozwiniynto zostaua kanalizacja tak tysz miasto miauo problkymy jak idzie o ilos’ci dostarczanyj wody. Tak tysz doszuo po licznych probnych wiercyniach w roztomaitych miejscach wkon’cu do powstania tzw „Kokotka” we Laband. Jak bydzie zainteresowanie tematym to przes’la zainteresowanym „detektywom historii” po urlopie (niymieckojynzyczne) opracowanie z tamtych czasow ze licznymi fotografiami, a teroski narazie przesyuom ino z tego opracowania poglondowo mapa:

    http://schlesien.nwgw.de/foto/displayimage.php?album=1169&pos=0

    Pozdrowiynia dlo wszyskich czytelnikow ze goroncyj i suonecznyj Grecji:

    https://truegreece-unitedonlinesa.netdna-ssl.com/images/suggestions/showcase/TrueElegance/santorini.jpg

    ps

    Zdradza jeszcze ino przi okazji cos’ dlo glywickich detektywow historii przi okazji mojego pobytu we Grecji. Nasze glywicke hutniki pomogali we Grecji (na wyspie Eubea) stowiac’ na nogi hutnictwo, co piynknie potym opisali (tekst posiadom). Grecja liczoua na ta pomoc tak daleko ze nawet we Wystawie S’wiatowyj we roku 1873 we Wiedniu pos’wiyncioua tym planom, wtedy prawie realizowanym, dziau swojyj wystawy i powstaua pora lot przedtym grecko- metalurgiczno spouka akcyjno kero te plany staraua sie wprowadzic do zycia. Co z tego wszyskego wyszuo i czymu to sie skon’czouo tak jak sie skon’czouo to juz inkszo rzecz i blank inkszo inkszos’c’. A co ku tymu wszyskymu te nasze hutniki mieli tam za przigody, to mozno bydzie okazja sam jeszcze kedys’ obgodac’ … .

    Grecki krol bou kedys’ we Glywicach na bezuchu co na zicher wiy niyjedyn kolekcjoner starych „kartek” („widokowek”) ze Glywic 😉

    • Jeszcze cos’ mozno dodom do tego co oprowadzajoncy kerownik opowiadou. Faktycznie godo sie o wiercyniu tych studni, ale ludzie kere to w tamtych czasach robiyli wiedzom ze ta metoda poolegaua na tzw majzlowaniu. Majzlowanie polegauo na tym ze najprzod do pewnyj guymbokos’ci jedyn a czynsciyj zespou srogich majzli pouonczonych w w zespou, w pewnym systymie dziauania, robiou dziura. W s’rodku tego zestawu-urzondzynia do majzlowania bou jedyn majzel kery naruszou grunt/skaua a te boczne w kole niego robiouy dalszo okronguo robota majzlowania. Stosowany np bou zespou kery miou 5 majzli. Ta dziura po osiongniynciu pewnyj pozondanyj guymbokosci, boua opatrzono szyrokom rurom i obbetonowywno. Dopiyrto potym robota szua dalyj/guymbiyj. Couko robota wspomagauy inksze urzondzynia i maszyny, jak np tzw pompy mamutowe, silniki, kompresory, wysokocisniyniowe pompy cyntryfugalne, elektryczne pompy tzw Rittingen-pompy. itd, usw.
      Oczywis’cie woda boua badano, cisniynie i wydajnos’c’ tysz, no i badano wspozaleznos’c’ z’rodua ze somsiednimi Z’roduami, rzekami i np kole Laband ze tzw „Kanarym”.

ZOSTAW ODPOWIEDŹ

Proszę zatwierdź swój komentarz!
Podaj swoje imię i nazwisko