Jak mierzyć czas? Odpowiada i opowiada „Detektyw historii”

Część 1 – niedziela 31 grudnia, godz. 16:30, 18:30, 20:30, 22:30

Część 2 – poniedziałek 1 stycznia, godz. 16:30, 18:30, 20:30, 22:30

1 KOMENTARZ

  1. Wiela pizuo na zygorze

    Dzisiej niy bydzie tuplikowania, dzisiej bydzie klarowanie po naszymu te zygarkowe geszichty.

    Downiyj jak rechtor na beztydziyn’ wlazywou do klasy to na zygorku musiauo piznonc’ osiym.

    Jak pizuo tak richtik juzas’ na wiezy od kos’cioua to sie godauo ize pizuo gynau pouednie, abo tysz dwanosto.

    Potym tyn zygor na wiezy piznou c’wierc’ na jedna.

    Dalyj bouo pou jednyj, czi c’wierci na jedna, no i coby bouo dopozontku to wele raji na som koniec pizuo gynau jedna.

    Jak kerys’ tego niy krignou mit, to sie musiou pytac’ „wiela stoi na zygorze?”

    A potym jak mu kerys’ odpedziu tak do przikuodu „bez maua cztyry” , no to znaczouo ize cosik mu zygorek chyba wancki cisnom 😉

    To tak bouo skuli tyj „jednyj po pouedniu”. Ze inkszymi godzinami bouo gynau tak samo, np czi c’wierci na osiym, pou czwortyj, itd, usw … .

    A teroski jeszcze cosik o drobnych godzinach. Jak u nos na zygorku ta rubo srogo skazowka boua osiym kreskow za dwonostkom a ta rubo mauo skazowka gynau na dwonostce, to sie godauo ize je osiym munutkow po dwonostyj.

    Tak sie uczouo bajtli znac’ na zygorku, a jak sie uczouo naszych bajtli rachowac’ to bydzie jak bydzie tak daleko.

    W kozdym razie jutro bydzie roczek dwa tysionce i osiymnosty, i chociosz jo jeszcze niyma na wycugu to moja mi durch prawi ize jo jutro byda juzas’ o jedyn roczek wiyncyj stary pierdoua. No to jo sie wos pytom, je jo richtik stary (?), bo mie sie zdo ize ona rachowac’ niy poradzi, bo przeca downiyj ludzie byli stare jak byli (tak do przkuodu ze Staryj Biblije) richtik poraset lot stare. Abo oni we tamtych czasach niy ino blank po inkszymu sie mianowali i godali, ale i rachowali blank a blank inoczyj, bo taki jedyn kerymu bouo (blank maszkytnie sie mianowou) Mahalaleel to krepnou dopiyro jak bou cuzamyn do kupy „osiymset piync’ a dziewiyndziesiont” lot stary.
    – Abo jo juz niywia i cosik sam niy sztimuje od inkszego zadku… .
    I co juzas’ je blank onmyjglich, to to ize taki jedyn inkszy, kerymu bouo Set (synek od Adama) to tyn bezwstydnik miou jeszcze bajtla jak bou aze sto piync’ lot stary. Tymu synkowi od Seta bouo juzas’ Enasz i tyn „piernik” juzas’ zawar s’lypia jak bou cuzamyn do kupy dziewiyn’cset i piync’ lot stary. Powiydzcie same jak to je myjglich ?!

ZOSTAW ODPOWIEDŹ

Proszę zatwierdź swój komentarz!
Podaj swoje imię i nazwisko